Zbardhet dëshmia e vrasësit të Selenicës para prokurorit

Zbardhet dëshmia e vrasësit të Selenicës para prokurorit

494
SHPËRNDAJE

 

24-vjeçari Ridvan Zykaj nuk ka shprehur pendesë për vrasjen e 8 të afërmve të tij gjatë marrjes në pyetje në polici. I riu ka pranuar krimin e rëndë dhe ka kërkuar avokat mbrojtës.

‘Unë i vrava, më gjeni avokat se nuk dua të më vrisni. Viktimat më akuzonin për çdo gjë, unë s’kam vjedhur asnjë pulë. Edhe ju më akuzoni për çdo gjë’.

Kështu mësohet se është shprehur 24-vjeçari para grupit hetimor në Drejtorinë e Policisë së Vlorës.

Nga hetimet e deritanishme, dyshohet se shkak i masakrës ka qenë sherri për motive banale, atë të vjedhjes së pulave.

Mes tij dhe kushërinjve të vrarë mendohet se ka patur konflikt për pulat.

Zykaj u arrestua rreth 12 orë pas tragjedisë në fshatin Resulaj të Selenicës në Vlorë. Ai u gjet i fshehur në një stan rreth orës 05:00 të mëngjesit të sotëm.

Ritvan Zykaj qëlloi me breshëri ndaj kushërinjve të tij të parë, mes të cilëve edhe dy fëmijë.

S'KA KOMENTE