Shkencetaret krijojne drurin transparent, i cili ne te ardhmen mund te zevendesoje...

Shkencetaret krijojne drurin transparent, i cili ne te ardhmen mund te zevendesoje xhamin

51
SHPËRNDAJE

Dritaret prej xhami së shpejti mund të jenë pjesë e së kaluarës. Shkencëtarët nga “Instituti Mbretëror i Teknologjisë KTH”në Stokholm kanë krijuar një material druri transparent, i cili mund të ndryshojë mënyrën se si ne do të ndërtojmë ndërtesat dhe panelet diellorë.

Ata thonë se materiali i ri është i përshtatshëm për prodhimin në masë dhe ka një kosto të ulët. Nëse ai përdoret në ndërtimin e shtëpive apo ndërtesave të tjera ka mundësi të përmirësojë ndriçimin e brendshëm të tyre duke lejuar dritën natyrore të hyjë përmes mureve. Kjo do sjellë edhe ulje të kostove të ndriçimit artificial.

Hulumtuesit thonë se ky material i ri ofron mundësi përdorimi në një shkallë të gjerë. Ai gjithashtu mund të përdoret për dritare apo fasada gjysmë-transparente për të lejuar dritën të hyjë, por njëkohësisht të ruajë edhe privatësinë. Për të krijuar drurin  transparent, shkencëtarët  kanë hequr kimikisht “lignin” nga mostrat e drurit komercial.

“Lignin” është një polimer strukturor tek bimët , i cili mund të gjendet në muret e qelizave, duke bllokuar 80 deri 95 për qind të dritës. Megjithatë kjo nuk sjell krijimin e një materiali transparent. Kur hiqet ligni fitohet vetëm një dru i bardhë, pandaj shkencëtarët i kanë shtuar atij akrilik për ta bërë të tejdukshëm dhe për të lejuar dritën të depërtojë.

S'KA KOMENTE

PËRGJIGJU

Comment moderation is enabled. Your comment may take some time to appear.