Greqi-Kishte shkuar për ta denoncuar, 28-vjeçarja goditet për vdekje me thikë para komisariatit nga ish-partneri

Një ngjarje tronditëse ka ndodhur mbrëmjen e djeshme në Athinë, ku një 28-vjeçare është masakruar për vdekje me thikë jashtë komisariatit, nga ish-partneri i saj.

Sipas mediave greke ajo kishte shkuar për ta denoncuar, kur ai është shfaqur papritur dhe ka nisur që ta godasë me thikë. E reja është afruar deri në derën e komisariatit e gjakosur e më pas ka humbur jetën.

Ndërkohë autori pasi e ka goditur, ka goditur edhe veten. Ai është transportuar në spital dhe ndodhet nën kujdesin e mjekëve.

E akuzoi për përfshirje në laboratorin e drogës në Xibrakë, Olsi Rama padit Gazment Bardhin

Vëllai i kryeministrit Edi Rama, Olsi Rama, ka kallëzuar kreun e grupit parlamentar të DP, Gazment Bardhi

Olsi Rama, vëllai i kryeministrit Edi Rama ka kallëzuar sot penalisht deputetin e Berishës Gazment Bardhi, lidhur me akuzat për përfshirje të tij në njohje dhe favorizim të një grupi kriminal.

“Sot kam depozituar në SPAK kallëzimin për deputetin e paturpshëm Gazmend Bardhi, i cili ka cënuar publikisht nderin dhe dinjitetin tim publik, si individ, prind dhe drejtues i një klubi të mirënjohur futbolli, duke shpikur një lidhje totalisht inekzistente mes meje dhe një grupi trafikantësh të drogës.” njofton Olsi Rama, ndërsa shton se mbetet në dispozicion të hetimit.

Arrestohet i riu ne Fier, i dehur ne timon perplaset me nje automjet dhe plagos 3 persona

Fier

Specialistët e Sektorit të Policisë Rrugore të DVP Fier arrestuan në flagrancë shtetasin O. G., 26 vjeç, banues në fshatin Dukas, pasi duke drejtuar automjetin tip “Audi”, në gjendje të dehur, ka përplasur automjetin me drejtues shtetasin H. A., 22 vjeç, banues në fshatin Dukas, si dhe një automjet të parkuar në rrugë. Si pasojë e këtij aksidenti janë dëmtuar drejtuesit e 2 automjeteve, shtetasit H. A. dhe O. G., si dhe 2 pasagjerë, shtetasit Y. Sh., 25 vjeç dhe A. N., 27 vjeç, të cilët jashtë rrezikut për jetën.

Po këta specialistë referuan materialet në Prokurori ku nisi procedimi në gjendje të lirë për shtetasin E. B., 41 vjeç, banues në fshatin Kafaraj, pasi duke drejtuar automjetin, pa leje drejtimi, ka përplasur një automjet tjetër, duke shkaktuar dëme materiale.

Specialistët për Hetimin e Krimeve të Komisariatit të Policisë Lushnjë referuan materialet në Prokurori ku nisi procedimi në gjendje të lirë për shtetasin F. Sh., 56 vjeç, pasi është konstatuar nga shërbimet e Policisë, duke ndërtuar pa leje, në tokën e tij.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

“Do vras politikanët”, u kap në 2023 me arsenal armësh, dënohet me 6 vjet burg ,37 vjecari

Gjykata e Lezhës ka dënuar me 6 vite burg Antonio Lekën, i riu që u kap ne janar të 2023 pasi mbante disa arme me vete dhe i veshur me jelek anti-plumb.

Leka, 37 vjeç pati deklaruar se ishte nisur për të vrarë politikanet e Lezhës. Mbi te renduan akuzat “Mbajtja pa leje dhe prodhimi i armëve, armëve shpërthyese dhe i municionit” si dhe “Prodhimi dhe shitja e narkotikëve” dhe për këto vepra penale ai u dënua me 9 vite burg, por përfitoj nga gjykimi i shkurtuar dhe bashkimi i dy dënimeve.

Ai iu nënshtruar edhe vlerësimit psikoligjor për shkak të rrethanave të lëvizjes dhe dëshmisë së tij. Ai u ndalua pranë fshatit Ishull-Shëngjin pasi policia ishte sinjalizuar nga të afërmit e tij duke shmangur një ngjarje të mundshme kriminale.

Atij ju gjeten dhe ju sekuestruan 1 armë zjarri pistoletë me 5 karikatorë, 1 automatik me 5 karikatorë, 550 fishekë luftarakë për pistoletën dhe automatikun, 1 palë dylbi, 1 anti-plumb ushtarak, 1 thikë, 1 çantë ushtarake, 75 gramë lëndë e dyshuar narkotike kanabis dhe rroba kamuflazhi ndërsa nuk rezistoi gjatë ndalimit.

Pas ndalimi, Leka u tha oficerëve të policisë se ishte nisur në drejtim të Lezhës, për të vrarë politikanët”. Gjatë kontrollit dhe verifikimeve, 37-vjeçari rezultoi të kishte qenë person dhe me precedent të mëparshëm penal

Qëlloi me armë gjahu drejt banesës ku kishte familjarë, arrestohet 47-vjeçari 

Një 47 vjeçar është arrestuar nga policia e Gjirokastrës, pasi ka qëlluar me armë gjahu në drejtim të banesës ku kishte familjarët.

Sekuestrohet arma e gjahut me të cillën qëlloi ky shtetas.

U arrestua në flagrancë shtetasi Leonidha Sinani.

Njoftimi i policisë:

Gjirokastër/Parandalohet përshkallëzimi i mëtejshëm i një konflikti në familje, që mund të kishte pasoja të rënda për jetën.

Për motive të dobëta, qëlloi me armë gjahu, në drejtim të banesës ku kishte familjarët, ndërhyrja e menjëhershme e Policisë, mundëson arrestimin në flagrancë të 47-vjeçarit.

Sekuestrohet arma e gjahut me të cillën qëlloi ky shtetas.

Menjëherë pas njoftimit se rreth orës 09:15 të mëngjesit të sotëm, për motive të dobëta, një shtetas kishte qëlluar me armë gjahu, në drejtim të banesës ku ishin familjarët e tij, në zonën e quajtur “Ura e lumit”, shërbimet e Komisariatit të Policisë Gjirokastër organizuan punën dhe mbërritën në vendin e ngjarjes, për të arrestuar shtetasin përgjegjës.

Si rezultat, u bënë të mundur përshkallëzimi i mëtejshëm i këtij konflikti, si dhe arrestimi i autorit të dyshuar, shtetasit L. S., 47 vjeç, banues në Gjirokastër.

Gjithashtu, u gjet dhe u sekuestrua në cilësinë e provës materiale, arma e gjahut me të cilën qëlloi i arrestuari.

Nga të shtënat nuk ka shtetas të dëmtuar.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme

Emerohet drejtori i ri i ‘Patentave’ne FIER

Eshte emeruar ne diten e sotme drejtori i ri rajonal i shërbimeve të transportit rrugor në Fier. Themion Mile eshte prezantuar ne diten e sotme ne krye te ketij institucioni, i drejtuar per 7 vjet me radhe nga paraardhesi i tij Bardhyl Kapaj .

Emerimi i Themion Mile ne krye te ketij institucioni vjen pas ndryshimeve te njoftuara me heret nga drejtuesi politik i qarkut Fier ne PS Taulant Balla .

Drejtuesi i ri i ketij institucioni Themion Mile vjen ne kete post pas nje periudhe te gjate kariere ne pozicione drejtuese ne institucione shteterore, si ne sektorin e naftes dhe ne administraten e Bashkise Fier .

Vranë dhe varrosën babanë e tyre, Apeli lë në fuqi masat për 3 fëmijët e Pëllumb Metës

Gjykata e Apelit të Juridiksionit të Përgjithshëm ka lënë në fuqi vendimin e gjykatës së Durrësit për masat e arrestit me burg për tre fëmijët e Pëllumb Metës, Hygerta, Hysen dhe Amarildo Meta.

Ata akuzohen se kanë bashkëpunuar në vrasjen dhe fshehjen e trupit të babait të tyre dhe më pas groposjen e tij.

NJOFTIMI I GJYKATES
Referuar interesimit të medias, Gjykata e Apelit të Juridiksionit të Përgjithshëm, informon sa më poshtë:
Nga aktet e ndodhura në dosje rezulton se, më datë 13.02.2024, rreth orës 22:30, shtetasi me iniciale H.M, banues në fshatin Shën Vlash, Durrës, është paraqitur në Komisariatin e Policisë Durrës dhe ka bërë kallëzim se babai i tij shtetasi me iniciale P.M banues në Shën Vlash, Durrës, është larguar nga banesa me datë 10.02.2024 dhe nuk është kthyer më.

Në vijim të veprimeve hetimore, u gjet trupi i pajetë i shtetasit P. M, të dyshuar për kryerjen e kësaj vepre penale janë fëmijët e tij.

Gjykata e Shkallës së Parë e Juridiksionit të Përgjithshëm Durrës, ka zhvilluar gjykimin lidhur me vlerësimin e ligjshëm të arrestimit dhe caktimin e masës së sigurimit “arrest në burg”, ndaj personave nën hetim shtetasve me iniciale H. M, H. M dhe A. M, të dyshuar për kryerjen e veprave penale “Vrasje për shkak të marrëdhënieve familjare”, “Mbajtja pa leje dhe prodhimi i armëve, armëve shpërthyese dhe i municionit” dhe ”Fshehja ose asgjesimi i kufomës” e kryer në bashkëpunim, të parashikuar nga neni 79/c, 278/4, 303 e 25 të Kodit Penal.

Gjykata e Shkallës së Parë e Juridiksionit të Përgjithshëm Durrës, me vendimin nr. 127/1 Regj.Them, datë 26.02.2024, ka vendosur:

1.Të vlerësojë të ligjshëm arrestimin në flagrancë të shtetasit H. M, i dyshuar për kryerjen e veprave penale “Vrasja për shkak të marrëdhënieve familjare”, “Mbajtja pa leje dhe prodhimi i armëve, armëve shpërthyese dhe i municionit”, “Fshehja ose asgjësimi i kufomës” e kryer në bashkëpunim, të parashikuara nga nenet 79/c, 278/4, dhe 303 e 25 i K.Penal.
2.Të caktojë ndaj shtetasit H. M masën e sigurimit personal “Arrest me burg”, parashikuar në nenin 238 të Kodit të Procedurës Penale.

3. Të vlerësojë të ligjshëm arrestimin në flagrancë të shtetases H. M, e dyshuar për kryerjen e veprave penale “Vrasja për shkak të marrëdhënieve familjare”; “Fshehja ose asgjësimi i kufomës”, e kryer në bashkëpunim te parashikuara nga nenet 79/c, 303 e 25 i K.Penal.

4.Të caktojë ndaj shtetases H. M masën e sigurimit personal “Arrest me burg”, parashikuar në nenin 238 të Kodit të Procedurës Penale.

5.Të vlerësojë të ligjshëm arrestimin në flagrancë të shtetases A. M, e dyshuar për kryerjen e veprave penale “Vrasja për shkak të marrëdhënieve familjare”; “Fshehja ose asgjësimi i kufomës”, e kryer në bashkëpunim te parashikuara nga nenet 79/c, 303 e 25 i K.Penal.

6.Të caktojë ndaj shtetases A. M masën e sigurimit personal “Arrest me burg”, parashikuar në nenin 238 të Kodit të Procedurës Penale.

Çështja në apel u shqyrtua mbi bazën e ankimeve të bëra, nga personat nën hetim me iniciale H. M dhe A. M, të cilët kërkuan ndryshimin e vendimit caktimin e një mase sigurimi personal atë të “detyrimit për tu paraqitur në policinë gjyqësore”.

Në përfundim të gjykimit, sot më datë 02.04.2024, Gjykata e Apelit të Juridiksionit të Përgjithshëm, e përbërë nga trupi gjykues me Gjyqtare Znj. Alma Kolgjoka, vendosi:

-Miratimin e vendimit nr. 127/1 Regj., datë 26.02.2024 të Gjykatës së Shkallës së Parë e Juridiksionit të Përgjithshëm Durrës.

GJYKATA E APELIT TË JURIDIKSIONIT TË PËRGJITHSHËM

Aksidenti me 8 viktima në Vjosë, merr vemendje edhe në mediat e huaja

Aksidenti me tetë viktima në Shqipëri ka gjetur jehonë edhe në mediat e rëndësishme ndërkombëtare. Gazeta e njohur amerikane ‘Washington Post’ shkruan se viktimat ishin emigrantë.Ndërkohë gazeta thekson se Shqipëria pritet po ashtu të marrë mijëra refugjatë pas një marrëveshje me Italinë.

Një makinë u përplas në një lumë në Shqipërinë juglindore, duke vrarë të tetë personat në bord, duke përfshirë shtatë emigrantë të dyshuar dhe një shofer vendas, tha policia shqiptare të martën.

Drejtuesi i mjetit ka humbur kontrollin dhe është kthyer në lumin Vjosa rreth 240 kilometra (150 milje) në juglindje të kryeqytetit, Tiranës, rreth orës 4 të mëngjesit të së martës, sipas një njoftimi të policisë. Shtatë nga viktimat dyshohej se ishin “nga vendet e treta”, tha policia, duke përdorur një përshkrim që përdoret shpesh për t’iu referuar emigrantëve.

Shqipëria nuk është një rrugë kryesore për emigrantët, por grupe të vogla nga vendet arabe apo Azia e përdorin atë për të arritur në Itali nga deti ose në vende të tjera fqinje nga toka.

Në vitin 2019, Shqipëria u bë vendi i parë jo-anëtar i BE-së që lejoi oficerët e agjencisë kufitare të bllokut Frontex për të menaxhuar kufijtë e saj në jug dhe lindje, ku kalojnë zakonisht emigrantët.

Parlamenti i Shqipërisë miratoi në shkurt një marrëveshje që vendi të mbajë mijëra azilkërkues për Italinë,” shkruan gazeta.

1...192021...668Faqe% CURRENT_PAGE% e% TOTAL_PAGES%