Shqipëria, sërish ndër destinacionet më të mira të Europës Lindore

Vendet e Ballkanit si Shqipëria, Kroacia, Bullgaria dhe Mali i Zi, kanë klimë të ngrohtë dhe çmime të shkëlqyera në sezonin e verës, sipas The Guardian.

Shqipëria

Shqipëria po renditet në gjithnjë e më shumë lista të destinacioneve verore.

Me më shumë se 400 km bregdet, duke përfshirë Rivierën Shqiptare, nga Vlora në Adriatik deri në Sarandë në Jon, nuk është për t’u habitur që vendi është kthyer në një destinacion popullor veror.

Gjiri i Borshit, ka një shtrirje të gjatë plazhi me gurë, me shumë hapësirë mes shezlongëve dhe çadrave të diellit.

Më në veri, Dhërmiu dhe fqinji i tij Drimadhes, janë ndër plazhet më të bukura të Shqipërisë, por ato tërheqin shume pushues.

Plazhi i Dhërmiut është edhe mjedisi i festivalit të muzikës Kala, nga 31 maji deri më 7 qershor, biletat e të cilit po shiten me shpejtësi.

Në jug të Sarandës, përballë Korfuzit, ndodhet Ksamili, me disa plazhe, si dhe zonat arkeologjike, liqene, këneta dhe ishujt e parkut kombëtar të Butrintit.

Bullgaria

Kur përfytyrojnë vijën bregdetare të Bullgarisë prej 370 km në Detin e Zi, shumica e njerëzve mendojnë për vendpushimet e mëdha festive si Sunny Beach dhe Sozopol.

Deri në vitin 2016, qyteti i Kavarnës dridhte nga tingujt e metalit të rëndë çdo verë gjatë Kavarna Rock Fest, por tani është një vend i qetë me një plazh të gjatë qyteti dhe një rezervë të madhe natyrore praktikisht në pragun e saj.

Nëse ndodheni në Kavarna nga 30 qershori deri më 1 korrik, do të shihni një nga ritualet më intriguese të Bullgarisë.

Njerëzit mbledhin zjarre rrethore në plazhe të caktuara përgjatë bregut të Detit të Zi, luajnë muzikë dhe shikojnë diellin duke dalë në 1 korrik, fillimisht për nder të këngës së Uriah Heep, “Mëngjesi i korrikut”.

Një nga plazhet më tërheqës të bregdetit është futur në gjirin Bolata, ujërat bruz të të cilit janë në kontrast me shkëmbinjtë e tij ranor.

 

Kroacia

Disa biznese shpejtuan të përfitonin nga hyrja e Kroacisë në Eurozonë në fillim të këtij viti dhe të rrisnin çmimet e tyre. Megjithatë, vendi është ende ekonomik, veçanërisht për ata që pëlqejnë ditët e qeta pranë ujërave të kthjellëta të Adriatikut dhe vërshimet nëpër pyje me pisha dhe ullishte.

Trageti nga Spliti mbërrin në fund të portit të gjatë të thellë të Milnës, i cili është i rrethuar me restorante buzë detit, plazhe me guralecë, ullishte dhe vreshta.

Peizazhi rreth Milnës është ideal për të marrë me qira një biçikletë dhe për të pedaluar nga plazhi në plazh.

 

Mali i Zi

Mali i Zi vazhdon të rrisë ofertën e tij luksoze, duke ndërtuar resorte gjithnjë e më të mëdha dhe më luksoze. Ka ende zona bregdeti ekonomike, por pjesa e tij relativisht e vogël e Adriatikut është jashtëzakonisht e populluar në korrik dhe gusht, veçanërisht rreth Budvës dhe Gjirit të Kotorrit.

Qershori dhe shtatori janë më të qetë.

Mbi kodrën e Malobërdës, ka plazhe piktoreske tradicionale, në anën jugore të Petrovacit, veçanërisht në plazhin e bukur të Luçicës.

Rrugë me kalldrëm kalojnë nëpër restorante të stilit osman deri në rrënojat osmane, të cilat datojnë në vitin 800 p.e.s dhe përfshijnë një teatër në ajër të hapur dhe banja turke.