Një tërmet i magnitudës 4.7 të shkallës Rihter ka shkundur Shqipërinë në orën 22:37 minuta të mbrëmjes të së dielës, ndërsa rreth 8 minuta më vonë një tjetër lëkundje më e lehtë është regjistruar.
Sipas instituti të gjeoshkencave raportohet se epiqendra e tërmetit ishte 3 kilometra në jug të Klosit, mbrapa Malit të Dajtit, ndërsa lëkundjet janë ndjerë më së shumti në Dibër, Tiranë, Durrës dhe Lezhë.
Sipas raportimeve të orës 12.00 për qarkun Dibër.
Informacioni vin nga Bashkia Klos, ku deri ne keta momente njoftohen per demtime te pjeseshme ne banesa si:
Nj.Adm.Xiber, fshati Xiber Hane (Halil Sula, Kadri Haka, Avni Dakuci).
Fshati Xiber Murrize(Murat Bardhi, Ali Keta, Veli Karaj).
Nj.Adm.Gurre, fshati Gurre e Madhe(Ethem Kadiu).
NJ.Adm.Klos fshati Bel(Alfred Kaçuli).
Një banesë e dëmtuar në fshatin Luzni, bashkia Dibër. Administrata e Bashkive eshte ne monitorim te situatës dhe prane banoreve te tyre.
Sipas njoftimit të Ministrisë së Mbrojtjes vlerësohet se ka dëme materiale të lehta në njësinë administrative Xibër të bashkisë Klos. Nderkohe mesohet se dëme material ka edhe në lagjen e Re në Bulqizë, ku banorët kanë dalë jashtë në frikë për të hryë në shtëpitë e tyre.
Në Durrës raportohet se disa lagje kanë mbetur pa energji elektrike. Ndërkohë në qytetet e tjera të vendit është raportuar se lëkundjet e tërmetit ishin të forta dhe kanë ngjallur panik tek qytetarët, me shumë prej tyre që kanë dalë jashtë shtëpive si në rastin e Tiranës dhe të bashkisë Bulqizë.
Bashkia e Tiranës ka vënë në dispozicion të plotë shërbimet e emergjencës dhe u bën thirrje qytetarëve që për çdo problematikë të sinjalizohet në numrin 112 ose zjarrfikësit në numrin 128.
