Ndërron jetë në moshën 65-vjeçare Presidenti i Parlamentit Europian David Sassoli

Ndërron jetë në moshën 65-vjeçare Presidenti i Parlamentit Europian David Sassoli

62
SHPËRNDAJE

Ish-gazetari italian dhe politikani i qendrës së majtë ishte i sëmurë rëndë për më shumë se dy javë dhe anuloi të gjitha aktivitetet zyrtare.

Sassoli u shtrua në spital në Itali muajin e kaluar për shkak të një komplikacioni serioz me sistemin e tij imunitar. Ai vdiq në orët e para të së martës në një spital në Aviano, njoftoi zëdhënësi i tij, Roberto Cuillo në Twitter.

https://platform.twitter.com/embed/Tweet.html?dnt=true&embedId=twitter-widget-0&features=eyJ0ZndfZXhwZXJpbWVudHNfY29va2llX2V4cGlyYXRpb24iOnsiYnVja2V0IjoxMjA5NjAwLCJ2ZXJzaW9uIjpudWxsfSwidGZ3X2hvcml6b25fdHdlZXRfZW1iZWRfOTU1NSI6eyJidWNrZXQiOiJodGUiLCJ2ZXJzaW9uIjpudWxsfSwidGZ3X3NwYWNlX2NhcmQiOnsiYnVja2V0Ijoib2ZmIiwidmVyc2lvbiI6bnVsbH19&frame=false&hideCard=false&hideThread=false&id=1480724154567598082&lang=en&origin=https%3A%2F%2Fwww.balkanweb.com%2Fnderron-jete-presidenti-i-parlametit-europian-david-sassoli-ne-moshen-65-vjecare%2F&sessionId=4df454da7a7815c6547d6192348d50214da9cae0&theme=light&widgetsVersion=9fd78d5%3A1638479056965&width=550px

Në shtator, z. Sassoli u dërgua në spital në Strasburg, ku u trajtua për një rast të rëndë të pneumonisë. Ai rifilloi detyrat e tij politike në nëntor.

Një votim për të zgjedhur zëvendësuesin e tij ishte planifikuar tashmë për në fund të këtij muaji dhe z. Sassoli kishte treguar se ai nuk do të kërkonte rizgjedhjen. Ish-lexuesi i lajmeve televizive u bë president i Parlamentit Evropian me 705 vende në korrik 2019.

Roli konsiderohet si një nga detyrat kryesore të bllokut dhe përfshin kryesimin e seancave dhe mbikëqyrjen e aktiviteteve të parlamentit. Ai mundi tre kandidatë të tjerë për këtë rol dhe në një fjalim pas fitores së tij ai bëri thirrje që BE-ja t’i kthehet shpirtit të etërve të saj themelues që këmbyen luftën dhe nacionalizmin për paqen dhe barazinë. Sassoli la një karrierë tre dekadash në gazetari dhe u bë anëtar i Parlamentit Evropian (PE) në 2009.

Ai ishte anëtar i Aleancës Progresive të Socialistëve dhe Demokratëve të qendrës së majtë, grupimi i dytë më i madh në parlament. “Çfarë tronditje e madhe dhe humbje e madhe. Jam thellësisht i pikëlluar”, shkroi eurodeputeti Ismail Ertug në Twitter.

Një tjetër eurodeputet, Paolo Borchia, shprehu ngushëllimet për familjen e z. Sassoli dhe tha se lajmi e kishte lënë atë “të habitur”.

S'KA KOMENTE