Jamarbër Malltezi është arrestuar nga Policia mbrëmjen e sotme në Rinas.
Ai është ndaluar me urdhër të SPAK për privatizimin e kompleksit “Partizani”.
Ndaj tij ka patur urdhër arresti të firmosur nga Gjykata e Posaçme.
Privatizimi i ish-kompleksit sportiv “Partizani” është një çështje që është marrë prej kohësh në shqyrtim nga SPAK. Tashmë aty është ndërtuar një kompleks pallatesh.
GJKKO ka pranuar kërkesën e SPAK për ndalimin e dhëndrrit të ish-kryeministrit Sali Berisha. Ndërkohë kreu i Rithemelimit më herët ka njoftuar një konferencë për mediat nga selia e PD-së.