Një tjetër aksident ka ndodhur mbrëmjen e kësaj të enjteje në Tiranë, përsëri në zonën e “Myslym Shyrit”. Drejtuesi i një mjeti tip “Peugeot” ka humbur kontrollin dhe ka dalë nga rruga.
Mjeti ka përfunduar në trotuar e më pas në vitrinën e një dyqani mishi. Siç shihet dhe nga pamjet, rruga ka qenë me kalimtarë, të cilët fatmirësisht nuk janë lënduar.
Më herët, në hyrje të “Myslym Shyrit” ka ndodhur një tjetër aksident ku janë përfshirë katër mjete. Katër persona janë plagosur, ndërsa shoferi i mjetit që shkaktoi aksidentin u largua nga vendngjarja.
