Kapen 7 persona,kishin hedhur para te falsifikuara ne Fier dhe disa qytete

Kapen 7 persona,kishin hedhur para te falsifikuara ne Fier dhe disa qytete

2735
SHPËRNDAJE

Shtatë persona janë arrestuar pasi dyshoheshin se në bashkëpunim me njëri-tjetrin hidhnin në treg kartëmonedha të falsifikuara.

Burimet zyrtare bëjnë me dije se 7 personat gjatë një periudhe kohore disamujore kanë hedhur në treg dhe kanë përdour kartëmonedha të prerjeve të ndryshme të dyshuaraq si të falsifikuara në disa qytete, si Elbasan, Fier, Tiranë, Krujë etj.

Njoftimi i policisë:

Elbasan

Finalizohet me sukses operacioni policor i koduar “Kartëmonedha”.

Operacioni nga Seksioni për Krimin Ekonomik dhe Financiar, në bashkëpunim me Prokurorinë e Rrethit Gjyqësor Elbasan.

Hidhnin në treg kartëmonedha të falsifikuara, vihen në pranga 7 shtetas.

Sekuestrohen në cilësinë e provës materiale 158.000 lekë të dyshuara të falsifikuara, 2 automjete dhe 9 aparate celular.

Seksioni për Krimin Ekonomik dhe Financiar, në bashkëpunim me Prokurorinë e Rrethit Gjyqësor Elbasan, pas një hetimi disamujor, ka organizuar dhe finalizuar me sukses operacionin policor të koduar “Kartëmonedha”, në kuadër të të cilit u arrestuan në flagrancë shtetasit:

A. V., 50 vjeç, banues në Fier, B. M., 56 vjeç dhe I. H., 32 vjeçe, banuese nê Librazhd
R. K., 48 vjeç, D. A., 20 vjeç dhe A. T., 30 vjeç, banues në Elbasan.
I. Ç., 27 vjeç, banues në Krujë.

Këta shtetas, në bashkëpunim me njëri-tjetrin, gjatë një periudhe kohore disamujore, kanë hedhur në treg dhe kanë përdorur kartëmonedha të prerjeve të ndryshme të dyshuara si të falsifikuara, në disa qytete, si Elbasan, Tiranë, Krujë, Fier etj.

Gjatë operacionit, këtyre shtetasve u janë gjetur dhe sekuestruar në cilësinë e provave: 158.000 lekë shqiptare të dyshuara si të falsifikuara, 9 aparate celular edhe 2 automjete.

Materialet i kaluan Prokurorisë së Rrethit Gjyqësor Elbasan, për veprën penale “Falsifikimi i monedhave” kryer në bashkëpunim.

S'KA KOMENTE