Saranda u zgjua sot nga zhurma e shpërthimit të fuqishëm në një hotel, duke shkaktuar panik te të gjithë qytetarët.
Në prononcime për mediat, ata e konsiderojnë akt terrorist këtë ngjarje.“Ky është terror. Ishte e tmerrshme. Ky është një akt terrorist,”– thonë ata.
Sasia e tritolit u vendos në hyrjen e një hoteli në pronësi të Spiro Çabirit në bulevardin e qytetit ndërsa shpërthimi ka shkatuar dëme edhe tek godinat përreth.
Shpërthimi është dëgjuar në të gjithë Sarandën dhe banorët raportojnë se ka shkaktuar lëkundje të ngjashme me tërmetin. Sasia e eksplozivit të përdorur ka qenë e madhe pasi përveçse ka shkatërruar hotelin dhe ka shkaktuar dëme në pothuaj 20 biznese të tjera të shëtitores.
Më parë pronari ka pasur konflikte pronësie me ish ortakët e vet për hotel “Bizant” që shpërtheu këtë mëngjes si dhe për një piceri që gjendej në katin e parë. Nuk dihet nëse shpërthimi ka lidhje me këto konflikt, por policia po i heton ato si pista kryesore.
