Arrestohet trajneri në Greqi, abuzoi seksualisht me sportistet e mitura

Arrestohet trajneri në Greqi, abuzoi seksualisht me sportistet e mitura

199
SHPËRNDAJE

Policia greke ka arrestuar një trajner të Taekwondo-së, pasi akuzohet se në harkun e 12 viteve ka dhunuar seksualisht pesë sportistet e tij të mitura.

Policia greke ka arrestuar një trajner të Taekwondo-së, pasi akuzohet se në harkun e 12 viteve ka dhunuar seksualisht pesë sportistet e tij të mitura. 44 vjeçari (A.D.) nuk ka pranuar akuzat, teksa tanimë vajzat në moshë më të madhe kanë marrë guximin për të denoncuar dhunën seksuale të ish-trajnerit të tyre.

Bëhet fjalë për A.D. 44 vjeç, trajner në klubin Iris Ilioupoli. Trajneri akuzohet se nga mesi i vitit 2009 deri në fillim të vitit 2020, qoftë brenda ambienteve të palestrës, qoftë në shtëpinë e tij, i ka detyruar vajzat të zhvishen dhe i ka dhunuar seksualisht.

I pandehuri, i cili u arrestua pas një urdhër-arresti, pohon se ky është një mashtrim, se ai nuk i ka ngacmuar asnjëherë vajzat dhe në asnjë rrethanë nuk ka pasur kontakte seksuale me to.

Vajzat që kanë dhënë deklarime tregojnë një model të qartë të veprimeve të të pandehurit, duke dhënë dëshmi konkrete se si ai u afrua ndaj tyre dhe i ngacmonte apo edhe përdhunonte disa prej tyre.

S'KA KOMENTE