VIDEO/Si sillej Braçe kur ishte në opozitë

VIDEO/Si sillej Braçe kur ishte në opozitë

43
SHPËRNDAJE

TIRANE– Incidenti i ndodhur në seancën e sotme plenare mes deputetëve Erjon Braçe dhe Flamur Noka, është shoqëruar me deklarata të njëpasnjëshme prej tyre. Nga ana e deputetit Braçe nuk mungoi as vendimi për të çuar në Gjykatë deputetin demokrat, duke e paditur penalisht.
Në deklaratën e tij para mediave, Braçe u paraqit me pamjen e një “viktime të dhunës”, duke pretenduar se deputeti Flamur Noka e kishte dhunuar, ashtu siç sipas tij kishte dhunuar edhe deputetë të tjerë.
E megjithatë deputeti Noka nga ana e tij, tha se pas fyerjeve të deputetit të Lushnjës ndaj ish-kryeministrit Sali Berisha, ai e kishte goditur me rregulloren e Kuvendit, të cilën sipas tij “Braçe duhet ta lexojë”.
Por deputeti socialist mohoi të kishte përdorur fjalor fyes dhe provokues ndaj ish-kryeministrit dhe deputetit Noka, ashtu siç pretendonin demokratët, duke u shprehur se ishin kolegët e tij demokratë ata që prej fillimit të seancës kishin përdorur fjalor fyes.
Për këdo që nuk e njeh historinë politike të Shqipërisë së këtyre viteve, po të dëgjonte deklaratat e sotme të Braçes dhe të shihte një burrë të imët dhe delikat, që me një letër fshin djersët me dorën që i dridhet, me siguri do të besonte çdo fjalë të tij.
Mirëpo ata që e njohin Erion Braçen, e konsiderojnë atë dhe disa si ai, si simbole të mungesës së etikës, gjuhës vulgare dhe ngjitjes në politikë falë aftësisë për të fyer të tjerët.
Video më poshtë, është vetëm një fragment i vogël, nga arkiva e etikës parlamentare të deputetit socialist, Erion Braçe. Aka qenë atëherë në sallë edhe Vali Leskaj?

S'KA KOMENTE

PËRGJIGJU

Comment moderation is enabled. Your comment may take some time to appear.