Ndërron jetë në një QSUT një i dënuar me 10 vite burg. Bëhet fjalë për 62-vjeçarin Islam Binjakun, i cili ishte dënuar për drogë.
Sipas Drejtorisë së Burgjeve, i dënuari ka ndërruar jetë si pasojë e një arresti kardiorespirator.
Njoftim për shtyp
I dënuari Islam Binjaku, i datëlindjes 27.03.1961, lindur në Fier dhe banues në Tiranë, i dënuar me 10 vite për lëndë narkotike, ka ndërruar jetë në Qëndrën Spitalore Nënë Tereza, Tiranë.
I ndjeri është shtruar në Reanimacionin Qëndror të Qëndrës Spitalore Universitare Nënë Tereza me datë 31.08.2023. Me datë 14.09.2023, ndërron jetë në Reanimacionin Qendror në QSUT me diagnozë Arrest Kardiorespirator.
Ekspertët e Mjeksisë Ligjore, si dhe oficerët e policisë gjyqësore të SHKBB, po ndjekin procedurat ligjore.
Drejtoria e Përgjithshme e Burgjeve i shpreh ngushëllimet familjes së të ndjerit.
